UNIDADES DE MEDIDA TRADICIONAIS

E AS SÚAS EQUIVALENCIAS  (Continuación)

MEDIDA DE CAPACIDADE PARA LÍQUIDOS

 En asuntos de viñas a métrica tradicional emprega o canado, o medio (medio canado), o cuartillo, a cuarta ou cántaro, a galleta, o azume, o cuartal e a carga de viño. Na xurisdición de Montederramo, á resposta á novena pregunta do Catastro de Ensenada os entrevistados declaran que (...) en asuntos de viñas un canado de viño fai setenta e dos cuartillos, cando se fale dun medio é medio canado. Unha cuarta fai trinta e dos cuartillos. Un cántaro o mesmo. Unha galleta dezaoito cuartillos. Un azume nove, un cuartal dos cuartillos e unha carga de viño tres canados (...). Como se aprecia na cita, unha medida usual como a ola  non se recolle neste documento pero si establece a súa equivalencia Calvo y Valcárcel en 20 litros e medio:

Carga de viño		123,12 litros
Canado	2 olas	41,04 litros
Ola de viño	36 cuartillos	20,52 litros
Galleta	18 cuartillos	10.26 litros
Azume	4 cuartillos	2 litros
Cuartillo de viño		0,57 litros

No caso do aceite estableceuse unha equivalencia igual para toda a provincia de acordo co seguinte baremo:

Arroba legal de aceite		12,56 litros
Cuartillo de aceite	25 en arroba	0,5 litros

MEDIDAS DE SUPERFICIE 

O ferrado e a fanega son unidades frecuentemente empregadas na agricultura como magnitudes de superficie. En todas as poboacións da antiga xurisdición de Montederramo, na de Caldelas, así como no coto de Vilariño Frío úsase a medida de terra denominada tega ou ferrado. Existe sen embargo disparidade nas equivalencias:

Fanega (de terra)	Chás A Medorra Resto	5 ferrados	3145 m2 4040 m2 3580 m2
Ferrado ou tega	Abeledos Chás Marrubio Acevedo (Marrubio) A Medorra Paredes Sas do Monte Resto	6 cuartos	510 m2 629 m2 510 m2 716 m2 808 m2 510 m2 510 m2 510 m2
Cuarto ou maquía de terra	Abeledos Chás Marrubio A Medorra Paredes Sas do Monte Resto	1/6 ferrado	85 m2 105 m2 85 m2 135 m2 85 m2 85 m2 119 m2
Cuartillo	Abeledos Chás Marrubio A Medorra Paredes Sas do Monte Resto	1/24 ferrado	21 m2 26 m2 21 m2 34 m2 21 m2 21 m2 30 m2
Copelo		1/30 ferrado	21 m2