MANUEL(A) A MULLER LOBA
Nesta ponte do 1 de novembro Allariz acolleu unhas Xornadas sobre Manuel Blanco Romasanta organizadas pola Fundación Vicente Risco. Segundo recolle o diario El País, Fernando Serrulla, experto en Antropoloxía Forense corrobora a posibilidade exposta hai uns anos por X.R. Mariño Ferro de que en realidade o Home Lobo é realmente unha Muller Loba. Ou media, posto que padecía unha rara enfermidade de pseudohermafroditismo feminino: “tiña sexo de muller pero, a causa deste pseudohermafroditismo, segregaba una cantidade desmesurada de hormonas masculinas e sufriu un proceso de virilización.”
Segundo
esta teoría, non ía desencamiñada a persoa que a inscribiu en 1809
no rexistro de nacementos de Esgos como Manuela, nin se trataba dun
erro do párroco de turno.
Por
se fora poucas as novidades, presentou Serrulla un novo rostro para
Manuel. Ata agora coñecíamos a reconstrución realizada por L.
García Mañá no 1991 pero analizando as descricións dos médicos
que participaron no proceso seguido en Allariz, Verín e a Coruña
contra Manuel polos asasinatos cometidos, Serrulla recompuxo a cara
do Sacaúntos.
Polas
ladeiras da Serra de San Mamede que unen Rebordechao con Montederramo
deberían atoparse as claves de moitos misterios que rodean este
personaxe tan singular que acusao de 9 asasinatos librou do garrote
vil gracias a intervención da raíña Isabel II. Quizais permanezan
soterrados por alí os restos óseos das mulleres e nenos asasinados
por Manuel. Descoñécese onde se atopan os do Home do Unto, polo que
probas de ADN a descendentes dalgún dos seus irmáns, -Manuel non
tivo fillos aínda que estivo casado un tempo- poderían aclarar
moitas dúbidas.
 |
| Reconstrución F. Serrulla |
 |
| Reconstrucción García Mañá |
http://blogs.larioja.com/historias/2012/11/02/romasanta-el-hombre-lobo-era-una-mujer/
