Manto de neve

Boas festas

Como laboura a abella
zugando a mel pró alleo,
como na ovella infeliz
medra a lan pra istrano leito,
e o boi, xunguido ó arado
perpetúa o seu trafego,
arrecadando pró dono
o pan que ofrecen os eidos,
así traballan de cote
–parias de tódolos tempos–
os exércitos dos pobos,
os soldados verdadeiros.

R. Blanco Torres. Orballo de Medianoite

FELICES FESTAS A CANTOS VOS LEMBRADES DESTA TERRA

A gordura da Caracocha

Técnicos especialistas procederon hai uns meses á medición do perímetro do tronco da centenaria Caracocha. Realizada segundo marcan os cánones a un metro do solo, o perímetro deste carballo singular acada os 4.80 mts. Para que conste aí queda a memoria gráfica do traballo realizado que pon fin a repetidas discusións veraniegas.

Chega o frío

Accidente en Savín

Romancha Cabaqueira do Rosal

O Pasado 12 de Outubro o Rosal (Pontevedra) acollía a XXVI Edición da Festa dos Cabaqueiros. No pregón lembrouse a relación entre algúns relleiros naturais da parroquia de Salcidos (A Guarda) e Montederramo: Este é o fragmento íntegro: 
"O Sr Eulogio, e os seus fillos Gumersindo e Anselmo Gándara, foron a facer cabacos desde principios dos anos 40 ata 1961 ás frías terras da montaña ourensá, alí onde carpinteiros coma meu pai ou o sr Gelasio facían arados e carros. Ata alí se desprazaban pai e fillos, a finais de abril, acompañados dun burro que cargaba o xusto para a viaxe e o imprescindible para poñerse a lasquear unha vez chegados. Testemuña da súa actividade queda na toponimia local. Se aquelas terras de Montederramo visitades e lle preguntades a alguén onde queda a Telleira, seguro que vos indican o lugar exacto onde a cuadrilla baixomiñota amasaba o barro cos pés ou coa axuda do burro que, como se dunha noria se tratase, daba voltas ó redor dun bidón provisto dun eixe vertical con aspas a xeito de amasadora. A Telleira, está a uns dous ou tres km dos núcleos habitados máis próximos, nas proximidades dun regato, tamén chamado da Telleira, a uns 900 metros de altitude. Alí as noites ben frías non eran ningunha excepción incluso nos meses de verán o que impedía demasiadas veces que secasen cabacos e toupas. Na mesma telleira, nun caseto duns catro por oito metros, comían e durmían. Apenas saían senón para comprar na tenda do Sr. Jaime unhas saborosas frebas de porco ou a buscar unhas verzas e unhas patacas para facer o caldo; ou para ir a feira do doce quen sabe se para axustar uns carros de leña para o forno ou se a pechar a venta dalgúns centos de tellas -a 35 pesos o cento- con algún paisano que necesitase botar o tellado dalgunha palleira."

Veciños de Montederramo con Sindo (no centro)
Foto cedida por Anselmo Gándara

Turismo enxebre

Se queres ver unha páxina de turismo onde se fala de Montederramos, pincha este enlace

Astrobiocos

A pasada fin de semana, no albergue dos Biocos, en San Xoán de Río, desenvolveuse unha interesante actividade de divulgación de astronomía: charlas, obradoiros de iniciación á astronomía, actividades para nenos. Aínda que o tempo non acompañou e as actividades de observación nocturna tiveron que trasladarse á casa observatorio, as actividades e charlas ofrecidas foron de grande interese. Nas imaxes ofrécese unha panorámica dos biocos ou buratos que se observan na serra de Cerengo e que son testemuña da riqueza aurífera explotada polos romanos, a segunda imaxe correspóndese ó experimento sobre criomagmatismo e a terceira á charla ofrecida por Javier Cacho sobre as expedicións a Antártida que practicamente nas mesmas datas realizaron o noruego Amundsen e o británico Scott. 

Biocos ou cavidades no Cerengo

Experimento sobre criomagmatismo

Javier Cacho, autor de Amundsen-Scott: duelo en la Antártida

A Ribeira Sacra na TVG

Algúns dos valores máis destacados da Ribeira Sacra (Castelo de Castro Caldelas, Xunqueira de Espadañedo, Sta Cristina...) ó descuberto neste episodio do programa da TVG "Descúbreme" emitido o pasado 2 de setembro. A referencia a Montederramo a partir do minuto 21´ 31´´.

Voitre negro no San Mamede

Axentes forestais soltaron o pasado día 21 desde o alto do San Mamede o exemplar de voitre negro atopado a principios de agosto na Serra do Faro e atendido no Centro de Recuperación de Fauna do Alto do Rodicio. 

Festas da Asunción e do San Roque

Os comisionados Sito, Paco e José reunidos en asamblea

Os días 14, 15 e 16 de agosto celebráronse as tradicionais festas na honra da patroa -Nosa Señora da Asunción- e do patrón de Montederramo -San Roque-. Como vén sendo costume durante os tres días de festa ten cabida espectáculos musicais, actos relixiosos, campionatos de cartas e dominó e actividades lúdicas para os máis pequenos. Aínda que non se anuncia nos carteis, non falta a festa de pote coa degustación de empanadas, años e outras viandas. Todas estas actividades foron organizadas en tempo récord por unha comisión de veciños decididos a que en Montederramo non se interrumpan as festas patronais. 

Pesadilla demográfica

Os alumnos de Xeografía de calquera Instituto de Galicia denominarían a esta gráfica "pirámide de poboación" pero na Galicia interior, da que Montederramo é bo exemplo, de pirámide ten pouco. En todo caso seméllase a unha pirámide invertida ou a un embudo. Porque na gráfica a base é mais estreita que o cume, o que traducido a cuestións demográficas significa que a poboación xove é xa tan escasa que non asegura o relevo das xeneracións maiores. Non é que emigren os xoves: é que non nacen. E o peor é o panorama desolador que se deriva da proxección que ofrece a páxina do IGE para a comarca de Caldelas.

Gráfica e máis informacion en:

http://www.cronicasdeunmundofeliz.com/2013/06/la-pesadilla-demografica-gallega-6.html

Entre el agua y el cielo

"Entre el agua y el cielo. El patrimonio monástico de la Ribeira Sacra" Acaba de saír publicada este traballo de investigación do grupo Iacobus da Universidade de Santiago coordinado polos profesores Juan Manuel Monterroso Montero e Enrique Fernández Castiñeiras. Son varios traballos que permiten coñecer os monasterios da Ribeira Sacra, Santo Estevo e Santa María de Montederramo. Sen dúbida que se trata dun gran traballo que merece a pena consultar baixo a sombra da Caracocha nestes meses de verán que se achegan.

Un pouco máis de información na Voz de Galicia e na web do grupo de investigación Iacobus

Das Corcerizas a Rebordechao

No enlace da foto podedes acceder ás imaxes dunha recente excursion realizada desde As Corcerizas -lugar onte tradicionalmente houbo un albergue coñecido como O Caudillo- e Rebordechao, no concello limítrofe de Vilar de Barrio.

NO BICO UN CANTAR: O CARRO

O programa da TVG No bico un cantar remata a temporada cun tema moi próximo a Montederramo e as súas xentes: Non hai tantos anos que os carros deixaron de cantar polas vereas e camiños dos pobos da serra. Hoxe tan só quedan vestixios do uso do carro en Requián (Parada de Sil) porque Alvarito e Lola aínda xunguen de cando en vez as súas vacas. Neste programa podedes comprobalo.

O DRAMA DA DESPOBOACIÓN

Inma na foto de La Voz

O artigo publicado na Voz de Galicia o domingo 17 de marzo de 2013 titulado El drama de la despoblación, rebelión en el desierto demográfico gallego, faise eco do despoboamento da Galicia interior sendo un bo exemplo o feito de que Parada de Sil prepárase para un acontecemento: o primeiro  parto en catro anos. A última nena nacida no pobo e c ensada nel, recolle a noticia da Voz, vai cumprir 14 años.

MUÍÑO DA PONTE MAZAIRA

Antolín Fernández, actual propietario do muíño, pon en funcionamento o vello muíño da Ponte Mazaira recentemente restaurado. O vídeo foi realizado por membros de ACAMO (Asociación Cultural de Amigos do Mosteiro de Oia - Pontevedra)

Video Montederramo

Non é un video realizado por min senón que foi subido a youtube por billyjoepacios en 2010 e na descrición figura o copyrigth do Concello de Montederramo. A disfrutalo!

Nevada Xaneiro 2013

Para os que non puidestes contemplar en directo esta fermosa paisaxe e teñades que conformarvos cunhas poucas imaxes da nevada que a semana pasada cubriu totalmente as terras de Montederramno. 

  

  UNIDADES DE MEDIDA TRADICIONAIS E AS SÚAS EQUIVALENCIAS  (Fin)

 MEDIDAS LONXITUDE

Vara	5 cuartas ou palmos	1,045 metros
Cuarta ou palmo		0,21 metros

MEDIDAS PESO

Arroba galega	25 libras	14,38 kg
Libra galega	20 onzas	0,574 g
Carga de carreta	150 a 160 arrobas
Carga de mula	12 a 14 arrobas
Quintal	4 arrobas ou 100 libras	46 – 48 kg
Maquía fariñeira. Como pago de moenda estableceuse para toda a provincia de Ourense		0,574 grs

Maquía do muíño da Ponte Mazaira

 
BIBLIOGRAFÍA

Valcarcel y Quiroga, A. Equivalencias métricas de la provincia de Orense. 1878. Edición dixital http://bibliotecadigitalhispanica.bne.es

Calvo, J, Valcárcel, A. Formula de metrología universal. Provincia de Orense. 1ª parte. 1873. Edición Dixital http://bibliotecadigitalhispanica.bne.es

Fernández Justo, M. Isabel. La metrología tradicional gallega. Aportación a los estudios sobre el medio rural. 2 tomos. 1986

http://www.arquitecturagalega.net/AG/dicionario/medidas.html 

http://www.galicias.com/agora/textos/sete/medidas.htm

http://www.almeriware.net/almediam/articulos/articulos_090_MEDIDAS.htm

http://www.geocities.com/BourbonStreet/Square/2024/elcubillo/medidas.htm