PERSONAXES:

Benito Dionisio Mojón

Aínda que nacido en Villarejo de Fuentes (Cuenca) o día 9 de outubre de 1732 seu pai, Benito Mojón, era natural de Vilanova, parroquia de San Pedro de Gabín. Nesta localidade do concello de Montederramo (Ourense) situada ó pé da serra do San Mamede, casaron Benito Mojón e Ana Domínguez o día 11 xullo de 1731.

Benito Dionisio Moxón ingresou na orde dos xesuías.  O xesuita laico Pasou polo colexio de Villarejo de Fuentes e de Alcalá ata a expulsión da orde por parte de Carlos III. Como tantos outros xesuítas chegou a Italia onde residiu e fundou en 1772 na via di Fossatello, a célebre farmacia Mojon, que desparecerá cos bombardeos aliados en 1943. Exerceu tamén como profesor de Química na Universidade de Xénova (Italia). Nesta cidade publicou a obra titulada Pharmacopoen Manuali Reformata (1784).

O seu fillo Benito chegou a ser un reputado cirurxán que estivo ás ordes de Napoleón na batalla de Marengo fronte os austríacos. O outro fillo, José, tamén levaba o da mediciña no sangue. Estableceuse en París e a el se lle atribúe a invención do método para a extracción da placenta en casos de hemorraxia. Publicou varias obras, entre elas a Mémoire sur les effets de la castración sur les corps humain (Montpellier, 1804) A tradución da obra non é necesaria e os efectos mellor non pensar neles.

Fontes:

Antonio Valcarcel  Dominguez: antoniovalcarcel.blogspot.com

http://histoire-ducastel.over-blog.com/

PERSONAXES:

Frei Atanasio de Lobera

A Biblioteca Cisterciense Española cita a Frai Atanasio de Lobera, fillo del monasterio de Monte de Ramo, hoy colegio de Filosofía (sic), natural do pobo rioxano de Herce. Descoñécese a data exacta do seu nacemento, a da súa morte ocorreu en 1605 en Valladolid.

Este monxe bernardo ingresou no mosteiro de Montederramo, do que foi abade a mediados de XVI. Doutor en Teoloxía, converteríase en cronista de Felipe II. Atribúenselle varias obras de contido histórico e haxiográfico: Historia de las grandezas de la muy antigua y insigne ciudad y Iglesia de León (Valladolid, 1598), Cronología de los reyes de España (impresa en Valladolid, 1602), Epístola Historial al rey Felipe II (Madrid, 1601), Vida de Fray Benito de Salamanca, Vida del beato Ignacio, ambos monxes do mosteiro zamorano de La Moreruela e unha inacabada Crónica Grande del Reino de Galicia redactada a principios do XVII.

De todas elas so se localizan exemplares da primeira (Historia de León) impresa según algúns autores no 1596, non no 98. Da Crónica Grande do Reino de Galicia, redactada cara 1604, coñécese un fragmento en borrador no que se ocupa da descrición física e da etapa fundacional do Reino. Da fundación de Galicia destaca “a calidad de los fundadores: el mismísimo patriarca Noé lo habitó, y a él se debe el origen de poblaciones como Noia y Navia (...) Foi en Galicia, segundo o Padre Lobera, onde se asentou Noé e os seus acompañantes e descendentes porque ninguna tierra en España ni, por dicha, en el mundo, se podía hallar para vivir los hombres más acomodada que ésta. Aínda que non usaba o galego consideraba o bernardo que esta lingua graciosa,suave, elegante, sentenciosa y que en pocas palabras compreende mucho, y mejor que otra la esencia de lo que va tratando.

SEIJAS MONTERO, M. “Análisis sociológico y actividad cultural de los claustros cistercienses en la Galicia moderna” Estudios Humanísticos. Historia. Nº 9, 2010, pp. 25-49

CÁTEDRA, Pedro M. LÓPEZ-VIDRIERO, M. Luisa El Libro Español VI: De Libros, Librerías, Imprentas y Lectores, Ediciones Universidad de Salamanca, 2002

ARIAS FERNÁNDEZ, A.ISABEL Los apuros económicos de Fray Atanasio de Lobera, Arqutorio: revista de la Asociación Cultural Monte Irago, 2003. Nº 10

SAAVEDRA, P. La Galicia que vio nacer y crecer a Gregorio Fernández. “Cuadernos de estudios galegos” 2010

MUÑIZ , ROBERTO. Biblioteca cisterciense española. Edicion dixital. http://books.google.com Páx. 207