SOLTEIROS - CASADOS 15-8-2012

Entre as actividades organizadas pola Comisión Das Festas da Asunción e de San Roque de Montederramo cabe mencionar o encontro disputado entre dous -non podían ser menos nin máis- equipos: o dos que se din casados (foto inferior, por se hai dúbidas) e dos que se din asi mesmos solteiros (por exclusión, a foto superior). O partido, que rematou cun xusto empate a tres goles, foi contemplado por decenas de afeccionados que se desprazaron a área recreativa da Ponte Mazaira na tarde do 15.